मुस्कानलाई अमेरिकाद्वारा साहसी महिलाको सम्मान
काठमाडौँ- नेपालकी मुस्कान खातुनलाई अमेरिकी विदेश मन्त्रालयले अन्तर्राष्ट्रिय साहसी महिला सम्मानबाट सम्मानित गरेको छ ।
अन्तर्राष्ट्रिय महिला दिवसको अवसर पारेर आयोजित भर्चुअल कार्यक्रममा अमेरिकी प्रथम महिला जील बाइडेनले सो सम्मान प्रदान गर्नुभएको हो ।
त्यस क्रममा बाइडेनले यसपालिको सम्मान पाउनेहरूका फरक फरक कथा रहेको बताउनुभयो ।
तर सबै फरक पृष्ठभूमिका भए पनि भयरहित भएर काम अगाडि बढेका परीजस्तै रहेको उहाँले सुनाउनुभयो ।
नेपालबाट मुस्कान र नेपालका प्रधानमन्त्री तथा अन्य उच्च नेतृत्वले भिडियो सन्देशमार्फत सम्मानका विषयमा आफ्ना धारणा प्रस्तुत गर्नुभएको थियो ।
सो पुरस्कारबाट नेपाली चेली मुस्कानलाई सम्मान गरेकामा प्रधानमन्त्री केपी शर्मा ओलीले अमेरिकी सरकारको सराहना गर्नुभयो ।
उहाँले भन्नुभयो, “एसिड आक्रमणको पीडालाई सङ्घर्षमा बदल्दै सो पुरस्कारबाट सम्मानित भएकी हाम्री छोरी मुस्कानलाई सरकार र सम्पूर्ण जनताको तर्फबाट बधाई ज्ञापन गर्दछु ।”
तेजाब आक्रमण जस्तो जघन्य अपराध बेलैमा नियन्त्रण गर्न नसके यसले भयावह रूप लिने उल्लेख गर्नुहुँदै प्रधानमन्त्री ओलीले यसविरुद्ध कानुन ल्याउन सघाएकाहरूको सराहना गर्नुभयो ।
नेपालले तेजाब आक्रमणमा कठोर सजाय र बिक्री वितरणमा समेत कडाइ गरेको जानकारी दिनुभयो ।
पीडितलाई स्वास्थ्य उपचारदेखि उनीहरूको पुनस्र्थापनाको व्यवस्था कानुनमा गरिएको जानकारी उहाँले दिनुभयो ।
नेपाल सरकार कानुनको पूर्णपालनामार्फत जघन्य अपराधको नियन्त्रणमा क्रियाशील रहेको भन्दै मुस्कानको सफलताले हौसला मिलेको सुनाउनुभयो ।
अमेरिकी विदेशसचिव एन्टोनी ब्लिकनले महिला भएकै कारण उनीहरूले कामका क्रममा र अन्य गतिविधिका क्रममा विभिन्न खालको विभेद भोग्नु नपरोस् भनेर आफ्नो पीडालाई दबाउँदै हिम्मत देखाउने महिला र किशोरीलाई यो सम्मान तथा पुरस्कार प्रदान गरिएको बताउनुभयो ।
काठमाडौँ- प्रत्येक वर्ष दुर्गा पक्षअन्तर्गत आश्विन शुक्ल सप्तमीका दिनमा मनाइने फूलपाती...
करिब साढे दुइ दशक अगाडी अष्ट्रेलिया देखि नेपाल सम्मका बिबिध सामाजिक र...
काठमाडौं– आज असोज १७ गते बिहीवारदेखि यो वर्षको बडादशैँ पर्व प्रारम्भ भएको...
काठमाडौं– प्रस्तावित प्रधानन्यायाधीश प्रकाशमान सिंह राउतको नाम संसदि सुनुवाई समितिले अनुमोदन...
काठमाडौं- नेपाल पञ्चाङ्ग निर्णायक विकास समितिले यो वर्षको विजया दशमीको शुभसाइत नेपालको...
काठमाडौँ- प्रत्येक वर्ष दुर्गा पक्षअन्तर्गत आश्विन शुक्ल सप्तमीका दिनमा मनाइने फूलपाती...
करिब साढे दुइ दशक अगाडी अष्ट्रेलिया देखि नेपाल सम्मका बिबिध सामाजिक र...
काठमाडौं– आज असोज १७ गते बिहीवारदेखि यो वर्षको बडादशैँ पर्व प्रारम्भ भएको...
काठमाडौं– प्रस्तावित प्रधानन्यायाधीश प्रकाशमान सिंह राउतको नाम संसदि सुनुवाई समितिले अनुमोदन...
सिड्नी, अष्ट्रेलिया । अष्ट्रेलियालाई कर्मथलो बनाएर नेपाली गीत संगीतमा अनबरत लागि रहेकी...